પારસી સ્પોટર્સ આઇકોન્સ – સુપ્રસિદ્ધ ડાયના એદલજી અને આદિલ સુમારીવાલા – ને સ્પોટર્સ જર્નાલિસ્ટ એસોસિએશન ઓફ મુંબઈ (એસજેએએમ) દ્વારા લાંબા સમય સુધી રમતના વિકાસમાં તેમના યોગદાન બદલ પ્રતિષ્ઠિત લાઈફ ટાઈમ અચીવમેન્ટ એવોર્ડથી સન્માનિત કરવામાં આવશે.
એસજેએએમની કાર્યકારી સમિતિએ ઓગસ્ટ 2022માં મહારાષ્ટ્ર સ્ટેટ લોન ટેનિસ એસોસિએશન (એમએસએલટીએ) ખાતે તેની મીટિંગ દરમિયાન આ વર્ષની સન્માન સૂચિ પર નિર્ણય લીધો હતો.
આગામી મહિનાઓમાં એસોસિએશનના
2021-2022 એવોર્ડ ફંક્શનમાં સ્પોટર્સ-પર્સન માટે અન્ય વરિષ્ઠ સ્પોટર્સ જર્નાલિસ્ટ સાથે અનુક્રમે ક્રિકેટ અને એથ્લેટિક્સના ક્ષેત્રોમાં તેમના પુષ્કળ યોગદાન બદલ ડાયના એદલજી અને આદિલ સુમારીવાલાને સન્માનિત કરવામાં આવશે. ડાયના એદલજી અને આદિલ સુમારીવાલાની સાથે એમએમ સોમયા (હોકી), શીલા કાનુન્ગો (શૂટિંગ) અને પ્રો. રત્નાકર શેટ્ટી (સંચાલક, ક્રિકેટ)ને પણ એસજેએએમ લાઇફટાઇમ અચીવમેન્ટ એવોડર્સથી સન્માનિત કરવામાં આવશે.