મુંબઈના મઝગાંવ ખાતે આવેલ શેઠ ફ્રામજી નસરવાનજી પટેલ અગિયારીનો 180મો સાલગ્રેહ (સ્થાપના દિવસ) શ્રદ્ધા અને આનંદપૂર્વક ઉજવાયો. પ્રસંગની શરૂઆત ધર્મગુરૂઓ દ્વારા કરાયેલા ખુશાલીના જશનથી થઈ, ત્યારબાદ દસ્તુરજી કેકી રાઉજી (મેહરજીરાણા), વિદ્વાન અને સમાજસેવક નોશીર દાદરાવાલા અને બોમ્બે પારસી પંચાયતના ટ્રસ્ટી હોશંગ જાલ દ્વારા પ્રેરણાદાયક ભાષણો આપાયા. બોમ્બે પારસી પંચાયતના ટ્રસ્ટી અનાહિતા દેસાઈએ પણ પ્રસંગને શોભાવ્યો. અગિયારી ભક્તોસથી છલોછલ ભરાઈ હતી, જે આ ઐતિહાસિક સ્થાપનાને પ્રત્યે અડગ ભક્તિ દર્શાવે છે.
તેમના સંબોધનમાં દસ્તુરજી રાઉજીએ દૈનિક જીવનમાં અગ્નિના મહત્વ પર પ્રકાશ પાડ્યો અને ઈરાનશાહ – ભારતનો પ્રથમ આતશ બહેરામ – કેવી રીતે સ્થાપિત થયો તે અંગે રસપ્રદ માહિતી આપી. નોશીર દાદરાવાલાએ પોતાના બાળપણના મઝગાંવ અને અગિયારીને લગતી યાદો તાજી કરતાં અરદીબહેસ્તના ઉપચારાત્મક શક્તિ પર ભાર મૂક્યો. તેમણે જણાવ્યું કે આદર મહિના કરતાં પણ વધુ આ પવિત્ર મહિને વધુ અગિયારીઓ અને આતશ બહેરામો તેમની વર્ષગાંઠ ઉજવે છે.
હોશંગ જાલે પ્રેમપૂર્વક યાદ કર્યું કે તેઓ મઝગાંવમાં મોટા થયા જ્યાં બાળકો અગિયારીને પ્રેમથી નરિમન કાકાની અગિયારી કહેતા, એ મરહુમ એરવદ નરિમન દલાલના માનમાં હતું, જેમણે પચાસ વર્ષથી વધુ સમય સુધી અવિરત સેવા આપી. તેમના અવસાન બાદ તેમની પત્ની બખ્તાવર અને ભાણેજ એરવદ જુબિન દલાલે આ નિષ્ઠાપૂર્વકની સેવાની પરંપરા ચાલુ રાખી છે. પવિત્ર આતશ પાદશાહના આશીર્વાદ સમગ્ર સમાજ પર વરસે તેવી શુભકામના!