એક શાળામાં એક નવી 30-32 વરસની એક શિક્ષિકાની ભરતી થઇ. એ શાળા છોકરીઓની હતી. એ શિક્ષિકા દેખાવમાં અતિ સુંદર હતી પણ એણે હજી સુધી લગ્ન નહોતા કર્યા.
બધી છોકરીઓ એની આજુ બાજુ ઘૂમ્યા કરતી અને પ્રશ્ર્ન કરતી કે મેડમ તમે હજી સુધી લગ્ન કેમ નથી કર્યા તમે તો એટલા સુંદર છો કે તમને તો ગમે તે હા પાડી દે.
શિક્ષિકા એક બધાને એક વાર્તા કહે છે, એક સ્ત્રી ને 5 દીકરીઓ હતી. પણ એક પણ દીકરો ન હતો એટલે એ સ્ત્રી નો પતિ નારાજ હતો એનાથી.
એ સ્ત્રી ફરી પ્રેગ્નેન્ટ થઇ ને એટલે એના પતિ એ કહ્યું કે જો આ બાળક પણ છોકરી જ હશે ને તો એને હું બહાર રસ્તામાં છોડી આવીશ એનો સ્વીકાર નહિ કરું હું.
પણ ભગવાનની ઈચ્છા હોય એ જ થાય છે. એ સ્ત્રી ને ફરી છોકરી જ આવી. એટલે એના પતિ એ છોકરીને ગામમાં થોડે દૂર રસ્તાના ચોકમાં મૂકી આવ્યો. એ સ્ત્રી આખી રાત એ છોકરીની સલામતી માટે પ્રાર્થના કરતી રહી.
સવારે એના પતિ ત્યાં ચોક પર જાય છે તો તે છોકરી ત્યાં ને ત્યાં જ હતી કોઈ લઇ નહોતું ગયું. એટલે ફરીએ ઘરે લઇ આવ્યો આવું 4 5 દિવસ કર્યું એણે પણ કોઈ એ છોકરી ને લઇ ન જતું ને હવે એ ભાઈ પણ થાકી ગયા હતા એટલે ભગવાનની મરજી સમજી એ છોકરી ને રાખી લે છે.
થોડો સમય જતા એ સ્ત્રી ફરી પ્રેગ્નેન્ટ થઇ આ વખતે એને દીકરો આવ્યો પણ એના આવ્યા પછી એની દીકરીમાંથી એક દીકરી મરી જાય છે.
એ પછી એ સ્ત્રી ને બીજા 3 દીકરા આવ્યા પણ દરેક વખતે એક એક દીકરી મરતી જતી.
હવે એ સ્ત્રી ને 4 દીકરા તો આવ્યા પણ દિકરી એક જ રહી..અને એ પણ એ જ કે જેને એ ભાઈ રસ્તા પર છોડી આવ્યા હતા જેને એ સ્વીકારવા નોહતા માંગતા..
થોડા સમયમાં એ સ્ત્રી આ દુનિયા છોડી જતી રહી એટલે એક દીકરી ને 4 દિકરા એકલા થઇ ગયા. ને એ ભાઈ એ બધાની દેખભાળ રાખતા ધીરે ધીરે બધા મોટા થઇ ગયા.
પછી એ શિક્ષિકા કહે છે કે તમને ખબર છે કે એ છોકરી કોણ હતી જે બચી ગઈ હતી. એ હું. ને મેં એટલે લગ્ન નથી કર્યા કેમ કે મારા પિતા હવે વૃદ્ધ થઇ ગયા છે ને એ જરા પણ કામ નથી કરી શકતા. એટલે મારી કમાણી ઉપર જ અમારૂં ઘર ચાલે છે ને હું મારા પપ્પાની દેખભાળ રાખી શકું છું. કેમ કે મારા ભાઈઓ પાસે પપ્પા પાસે આવવાનો સમય નથી. બધા એમને છોડીને જતા રહ્યા.
અને પપ્પા હવે દુ:ખી થઇ ને કહે છે જે દીકરા મેળવવા મેં તને આટલી તકલીફ આપી એ વિચારી ને હું શરમ અનુભવું છું.
દીકરી એ દિકરી છે એની તોલે કોઈ ન આવી શકે. દીકરો કદાચ મા બાપ ને છોડી દેશે પણ દીકરી આખરી દમ સુધી મા બાપ નો સાથ નહીં છોડે.