આનંદ, સૌહાર્દ અને વારસાની ગૌરવભરી લાગણી સાથે લોનાવલા ખંડાલા પારસી જરથોસ્તી અંજુમને 7મી ફેબ્રુઆરી, 2026ના રોજ લોનાવલાના ઐતિહાસિક એડનવાલા અગિયારી પરિસરમાં પોતાની 125મી વર્ષગાંઠ ઉજવી. આ વાર્ષિક કાર્યક્રમમાં લોનાવલા, પુણે અને મુંબઈમાંથી કુલ 278 મહેમાનો ઉપસ્થિત રહ્યા. ઉજવણીનું આયોજન એલકેપીઝેડએના સમર્પિત ટ્રસટીઓ સામ ચોક્સી, અદી બનાજી, બેપ્સી બનાજી, અદી મહેતા, કેપ્ટન પરસી માસ્ટર, અરિન માસ્ટર અને બહેરામ ધાબર દ્વારા કરવામાં આવ્યું.
પરિચય દરમ્યાન કેપ્ટન પરસી માસ્ટરે અંજુમનની પ્રેરણાદાયી શરૂઆત અને તેની સતત ચાલતી પરોપકારી પ્રવૃત્તિઓનો ઉલ્લેખ કર્યો. શિક્ષણ, આરોગ્ય અને ગરીબી નિવારણ જેવા ક્ષેત્રોમાં અંજુમન દ્વારા કરવામાં આવતા કાર્યોનો ખર્ચ નવીનીકૃત ગેસ્ટહાઉસની આવકથી પૂરો થાય છે. વર્ષગાંઠ નિમિત્તે અનેક સંસ્થાઓને દાન પણ આપવામાં આવ્યું.
કેપ્ટન પરસી માસ્ટરે એડેનવાલા અગિયારીના આધ્યાત્મિક મહત્ત્વ પર પ્રકાશ પાડ્યો. અહીં બે પવિત્ર અગ્નિ પ્રગટ છે, જેમાં એક સ્થાનિક અને બીજો એડેનથી લાવવામાં આવેલ છે. તેમણે સમુદાયના સભ્યોને અગિયારી અને પરંપરાઓ સાથે વધુ સક્રિય રીતે જોડાવા અનુરોધ કર્યો.
એરવદ સાયરસ ટાટા અને તેમની માતા રોશન ટાટાને અગિયારીની સમર્પિત સંભાળ માટે સન્માનિત કરવામાં આવ્યા. સાંજનો અંત જીવંત સંગીત, મિલનસાર વાતાવરણ અને ભોજન સાથે ઉત્સાહપૂર્ણ રીતે થયો, જે સૌ માટે યાદગાર બની રહ્યો.