આત્મસ્પર્શી મોનાજાતો માટે જાણીતા ગાયક અને સંગીતસર્જક કૈઝાદ પટેલે તાજેતરમાં નવી ઓરિજિનલ મ્યુઝિક વીડિયો એક સંત થઈ ગયા મહાન રજૂ કરી છે. આ રચના મહાન સંત દસ્તુરજી જમશેદજી એરવદ સોરાબજી કુકાદારૂ સાહેબને ભાવભરી શ્રદ્ધાંજલિ અર્પણ કરે છે. વીડિયો (લિંક: https://www.youtube.com/watch?v=KBc2jCn5C9U) તેની નવીન રજૂઆત માટે વિશેષ નોંધપાત્ર છે, જેમાં એઆઈ ટેક્નોલોજીના ઉપયોગથી દૃશ્યો જીવંત બન્યા છે, છતાં વિષયની પવિત્રતા અને ભાવનાત્મક ઊંડાણ સંપૂર્ણપણે જળવાયું છે.
આ મોનાજાતનું સંગીત કાઈઝાદ પટેલે સ્વયં રચ્યું છે. ગાયનમાં કૈઝાદ પટેલે અને નૈનાઝ જમાદાર મુનસફનો અવાજ છે, જ્યારે શબ્દો પરસી રૂસ્તમજીના છે. રિલીઝ પછી માત્ર ચાર દિવસમાં જ વીડિયોએ 20,000થી વધુ વ્યૂઝ પ્રાપ્ત કર્યા છે અને પ્રતિસાદ સતત વધતો જઈ રહ્યો છે.
પારસી ટાઈમ્સ સાથે વાત કરતાં કૈઝાદ પટેલે જણાવ્યું કે આ કૃતિ દસ્તુરજી કુકાદારૂ સાહેબના જીવન અને ઉપદેશોને સમર્પિત નમ્ર અર્પણ છે. મનશ્ની, ગવશ્ની, કુનશ્ની – વિચારો, શબ્દો અને કર્મની શુદ્ધતા – પર આધારિત તેમનું જીવન આજે પણ પ્રેરણાસ્રોત છે.
કૈઝાદને અગાઉ યુટ્યુબ સિલ્વર ક્રિએટર એવોર્ડ (જુલાઈ 2025) અને ખુદાવિંદ ખાવિંદ માટે બેસ્ટ મ્યુઝિક ડિરેકટર એવોર્ડ (2023) પ્રાપ્ત થયો છે. આ નવી રચનાથી તેઓ ફરી સાબિત કરે છે કે સંગીત શ્રદ્ધા અને સમુદાય વચ્ચે સેતુ બની શકે છે.