26મી નવેમ્બર, 2023ના રોજ, મુંબઈના કાલબાદેવી (ફણસવાડી) ખાતે આવેલા પવિત્ર દાદીસેઠ આતશ બહેરામમાં સમુદાયના સભ્યોએ નવા વરસિયાજીનું હૃદયપૂર્વક સ્વાગત કર્યું. પૌરૂસ્પા નામના વરસિયાજી (આલ્બીના બળદ વાછરડું)ને કર્જતના એક ખેતરમાંથી લાવવામાં આવ્યો હતો. પવિત્રતા અને એકાંતની પવિત્ર આવશ્યકતાઓને ધ્યાનમાં રાખીને આતશ બહેરામ પરિસરમાં એક યોગ્ય ગૌશાળા તેમના માટે વિશિષ્ટ રીતે આરક્ષિત રાખવામાં આવી છે. વરસિયાજીની સતત સુખાકારી સુનિશ્ચિત કરવા માટે કેરટેકર તબીબી રેકોર્ડ જાળવશે.
આતશ બહેરામની ત્રેવીસ વર્ષ સેવા કર્યા પછી પૌરૂસ્પાના પુરોગામીનું થોડા મહિના પહેલાં અવસાન થયું હતું. એક દયાળુ સજ્જન, જેઓ કર્જતમાં પશુપાલન કરે છે, તેમણે બળદનું દાન કર્યું અને તેનું નામ પણ રાખ્યું.
વરસિયાજી માટે માત્ર સફેદ વાળ જ હોવા ફરજિયાત છે – જેમાં તેની પૂંછડી, વાળ, ભમર અને પાંપણનો સમાવેશ થાય છે. પવિત્ર ધાર્મિક વિધિઓનો એક મહત્વપૂર્ણ ભાગ, વરસિયાજીના પેશાબને (તરો) ધાર્મિક વિધિઓ અને આપણી મંથરાવની (પ્રાર્થના)માં ઉપયોગ કરી તેને પવિત્ર કરવામાં આવે છે, અને લગ્ન, નવજોત સમારોહ, ધર્મગુરૂઓની નિમણૂક વગેરે સહિત વિવિધ ધાર્મિક વિધિઓમાં નિર્ણાયક ઘટક તરીકે તેનો ઉપયોગ કરવામાં આવે છે.