નાતાલ માત્ર એક દિવસની ઉજવણી નથી જેમાં આપણે એકબીજાને ભેટો આપ લે કરીએ છીએ. નાતાલની ભાવના આપણે બધા સાથે મળીને ઉજવણી કરીએ તે છે. આ નાતાલની ભાવના એ છે કે તમે બીજા માટે વિચાર કરી રહ્યા છો. આ એક નિ:સ્વાર્થ સમય છે, જ્યાં આપણે માફ કરીએ છીએ, અને આપણે સારા બનીએ જે મહત્વપૂર્ણ છે. કારણ કે નાતાલ એ ભગવાનના પુત્ર – ઈસુના જન્મ વિશે છે. તે આપણને પ્રેમ, આશા અને આનંદ કેવી રીતે આપવા તે વિશે છે. તે સંદેશ દર વર્ષે બદલાતો નથી. જ્યારે વિશ્વમાં ઘણા વિનાશના ખરાબ સમાચાર હોય છે પરંતુ આ ઉજવણી કરવા યોગ્ય સારા સમાચાર છે!
આપણે એકબીજા પ્રત્યે વધુ માયાળુ બનીએ છીએ. આપણે ઓછા ભાગ્યશાળી લોકોને મદદ કરવા માટે પહોંચીએ છીએ. આપણું હૃદય બધુ ભુલી જઈ દુશ્મનોને માફ કરીએ છીએ. મિત્રોને યાદ કરવામાં આવે છે, અને ભગવાનની આજ્ઞાનું પાલન કરવામાં આવે છે. અમે ભેટો અને લાગણીઓ બંને સાથે વધુ સખાવતી, વધુ સ્વીકાર્ય અને ઉદાર બનીએ છીએ. નિ:શંકપણે આ વિચારો આખું વર્ષ હોવા જોઈએ, જો કે, મોસમ અને તમારા પડોશીઓ સાથે જોડાણ, સામાજિક હોવા અને અન્ય લોકો સાથે શેર કરવા વિશે છે.
આ તહેવારોની સિઝનમાં આપણે એવી વ્યક્તિ માટે ફરક કરીએ જેને આપણી જરૂર છે. અન્ય લોકોની જરૂરિયાતને ઓળખો, અને તે ફક્ત પૈસા વિશે નથી, તમે તેમને ખરીદી કરવામાં મદદ કરી શકો છો, વાત કરવા માટે સમય કાઢો, ત્યાં હાજર રહો, તેમને કુટુંબની મુલાકાતે લઈ જાઓ, તેમના માટે રસોઈ બનાવો અથવા તેમને મિજબાની માટે આમંત્રિત કરી શકો છો. સ્વયંસેવક અને વૃદ્ધોની મુલાકાત લો, બેઘર અથવા ઘરની નજીક રહેતા લોકોની મદદ કરો, તમે લાંબા સમયથી જોયા ન હોય તેવા પરિવારની મુલાકાત લો.
નાતાલની ભાવના, કૌટુંબિક બંધન ઉપરાંત, આપવાની ભાવના, અથવા તો આનંદ કરવાની ભાવના, એ પણ નમ્રતા અને કૃતજ્ઞતાની ભાવના છે જે આપણને આશીર્વાદના રૂપમાં આપવામાં આવ્યા છે! અને નાતાલની ભાવનાનું સૌથી મોટું પાસું એ સ્પિરિટ ઓફ ગિવિંગ છે. ક્રિસમસ એ એક પવિત્ર સમય છે જે તમને જીવનના સૌથી મહત્વપૂર્ણ મુદ્દાઓ પર ચિંતન કરવા માટે આમંત્રિત કરે છે, ખાસ કરીને અજ્ઞાનતાના અંધકારમાંથી બહાર નીકળીને અને નવી સમજણ અને સંભાવનાના પ્રકાશ પર પહોંચવા અને જરૂરિયાતમંદ લોકો માટે તમારા હૃદયને ખોલવા માટે!
અહીં અમારા બધા વાચકોને નાતાલની શુભેચ્છાઓ!

‘ક્રિસમસ ટ્રી’ની સજાવટ

ક્રિસમસમાં ઘરેઘર અને દરેક ચર્ચમાં શોભા બનનાર ક્રિસમસ ટ્રી આજે આખા વિશ્ર્વમાં મશહૂર થઈ રહ્યું છે. રંગબેરંગી સજાવટો કરી લોકો ક્રિસમસ ટ્રીને સજાવે છે અને એને જોઈ લોકોના મનમાં સકારાત્મક ઉર્જાનો સંચાર થાય છે.
એમ માનવામાં આવે છે કે સંત બોનિફેસ ઈંગલેન્ડને છોડી જર્મની ચાલ્યા ગયા હતા જ્યાં તેમનો ઉદ્દેશ્ય જર્મનના લોકોને ઈશુ ખ્રિસ્તનો સંદેશ સંભળાવાનો હતો પણ તેઓએ જોયું કે ઈશ્ર્વરને ખુશ કરવા ઓકના ઝાડની નીચે એક નાના બાળકની બલિ આપવાની તૈયારીઓ ચાલી રહી હતી. સંત બોફિેસ ગુસ્સામાં આવી તેમણે પેલું ઓકના ઝાડને કપાવી નાંખ્યું અને ફરનું નવું ઝાડ લગાવ્યું અને સંત બેનિફેસે પ્રભુ ઈશુને એમના જન્મનું પ્રતિક માની એ ઝાડને મીણબત્તીઓથી સજાવવામાં આવ્યું અને ત્યારથી નાતાલમાં ક્રિસમસ ટ્રીને સજાવવાની પરંપરા ચાલુ થઈ. આના સિવાય એક બીજી પણ વાર્તા પ્રચલિત થઈ છે કે ક્રિસમસની આગલી સાંજે ભરપૂર ઠંડીમાં એક નાનું બાળક ખોવાઈ ગયો. ઠંડીથી બચવા આશરો શોધતા એને એક ઝૂંપડી દેખાય છે અને તે ઝૂંપડીમાં એક લાકડા કાપનાર કઠિયારો પોતાના કુટુંબ સાથે આગ શેકી રહ્યો હતો. નાનું બાળક દરવાજો ઠોકે છે કે તેને આશરો મળશે.
કઠિયારો દરવાજો ખોલે છે અને આવનાર બાળકને ઘરમાં લઈ તેને ખવડાવી પીવડાવી પોતાનાં નાનાં બાળક સાથે સુવાડી દે છે. સવારે જ્યારે એ કુટુંબ ઉઠે છે ત્યારે દેવદૂતો ગીતો ગાઈ રહ્યા હોય છે અને પેલું નાનું બાળક ઈશુ ખ્રિસ્તમાં બદલાઈ ગયેલું હોય છે. ઈશુ ઘરની બહાર જઈ ફરના ઝાડની ડાળી તોડી તે કુટુંબને આપી આભાર માને છે અને આ રીતે કિસમસ ટ્રીને સજાવવાની રીત શરૂ થઈ હતી.
ત્રીજી વાર્તા છે માર્ટિન લુથરની. પહેલાના જમાનામાં લોકો ઝાડની ટોચ પર ઈશુનું સ્ટેચ્યુ મુકતા પણ વખત જતા એની જગ્યાએ દેવદૂતોના સ્ટેચ્યુએ લઈ લીધી. જર્મનીના માર્ટિન લૂથર ક્રિસમસની આગળી સાંજે બહાર ફરી રહ્યા હતા અને આકાશમાં ચમકતા તારાઓને જોઈ રહ્યા હતા ફરના ઝાડની ડાળીયોની વચ્ચે તારાઓ અને તેમનો ચમકાર અદૂભત લાગી રહ્યો હતો તેમણે ઘરે આવીને પોતાના પરિવારને આ વાતની જાણ કરી અને ચમકતા તારાઓના લીધે તેમણે ઈશુ ખ્રિસ્તનું સ્મરણ થયું પછી તેમણે એક ફરની ડાળી ઘરમાં લાવી તેની ટોચ પર સિતારો મૂકયો અને ડાળીને મીણબત્તીથી સજાવ્યું કે એનો પરિવાર પણ આનો અનુભવ કરી શકે અને ત્યારથી જ ક્રિસમસનું ઝાડ શણગારવાની પરંપરા માર્ટિન લૂથર દ્વારા થવા લાગી.