ગયા અઠવાડિયાની શરૂઆતમાં, વિશ્ર્વની સૌથી મોટી રસી ઉત્પાદક સીરમ ઇન્સ્ટિટ્યૂટ ઓફ ઇન્ડિયા (એસઆઈઆઈ)ના ચીફ એક્ઝિક્યુટિવ ઓફિસર આદર પૂનાવાલાએ કહ્યું હતું કે, ડ્રગ કંટ્રોલર જનરલ ઓફ ઈન્ડિયા (ડીજીસીઆઈ) દ્વારા એસઆઈઆઈની રસી માટે મંજૂરીના છ મહિના બાકી છે, કારણ કે સંગઠન તેની સલામતી અને અસરકારકતાની સુનિશ્ર્ચિત પ્રક્રિયાઓને પગલે ધ્યાન કેન્દ્રિત કરે છે.
એકવાર અમને ભારત અને વિશ્ર્વ માટે સલામત અને સારી રસીનો વિશ્ર્વાસ થઈ જશે, જ્યારે ડ્રગ કંટ્રોલર (ડીસીજીઆઈ) દ્વારા અમને લાઇસન્સ મળશે ત્યારે અમે ચોક્કસપણે તેની જાહેરાત કરીશું. ‘પરંતુ, તે હજીથી ઓછામાં ઓછા છ મહિના દૂર છે.’ પૂનાવાલાએ એક પત્રકાર પરિષદમાં જણાવ્યું હતું. સાથે તેમણે ઉમેર્યું હતું કે રસી માટેની અજમાયશ ફક્ત વર્ષના અંત સુધીમાં પૂરી થશે.
ઓકસફર્ડ યુનિવર્સિટી દ્વારા વિકસિત રસી બનાવવા અને સપ્લાય કરવા એસઆઈઆઈ બ્રિટીશ-સ્વીડિશ ડ્રગ નિર્માતા એસ્ટ્રાઝેનાકા સાથે ભાગીદારીમાં છે. આ કરાર હેઠળ, એસઆઈઆઈ 2020ના અંત પહેલા 400 મિલિયન પૂરા પાડવાની પ્રતિબદ્ધતા સાથે ભારત અને અન્ય ઓછી અને મધ્યમ આવક ધરાવતા દેશોમાં રસીના 1 અબજ ડોઝ સપ્લાય કરશે.
ઓકસફર્ડ યુનિવર્સિટી દ્વારા વિકસાવવામાં આવી રહેલ રસી હાલમાં ક્લિનિકલ ટ્રાયલના સૌથી અદ્યતન તબક્કામાં છે, જેમાં લગભગ 10,000 સહભાગીઓ સાથેના તબક્કા 2 અને તબક્કા 3 ના અભ્યાસ ચાલુ છે. આ રસી લોકાર્પણ માટે પ્રથમ હશે તેવી અપેક્ષા છે. અત્યાર સુધી, રસીએ ચાલુ કસોટીઓમાં સકારાત્મક પરિણામો દર્શાવ્યા છે. એક આશા બાંધી શકીએ કે તે કોવિડ-19 માટે અસરકારક રસી બનશે. ભારતમાં પણ પરીક્ષણો લેવામાં આવશે.
તાજેતરમાં જ, એક રસી ઉમેદવાર વિશે સમાચાર આવ્યા હતા, જેને ઝડપી પાડવામાં આવ્યો છે. અમે કંઈપણ દોડાદોડ કરવા માંગતા નથી. ‘અમે સલામતી અને અસરકારકતા સુનિશ્ર્ચિત કરવા માંગીએ છીએ,’ પૂનાવાલાએ માયલેબ ડિસ્કવરી સોલ્યુશનની ‘કોમ્પેક્ટ એક્સએલ’ પરીક્ષણ પ્રણાલીના અનાવરણ સમયે કહ્યું. તેમણે એપ્રિલ, 2020માં ઇમ્પેક્ટ ઈન્વેસ્ટર ગ્રુપ એ.પી. ગ્લોબલેના અધ્યક્ષ, અભિજિત પવાર સાથે માયલેબમાં રોકાણ કર્યું હતું.