ઈન્ડિયન નેશનલ ટ્રસ્ટ ફોર આર્ટ એન્ડ કલ્ચરલ હેરિટેજ હૈદરાબાદ ચેપ્ટર દ્વારા સિકંદરાબાદમાં ખાન બહાદુર એદલજી સોહરાબજી ચિનોઈ અંજુમન દરેમહેરને હૈદરાબાદના અનોખા વારસાના સંરક્ષણ અને જાળવણી પ્રતિષ્ઠિત આઈએનટીએસીએચ હેરિટેજ એવોર્ડ 2024થી સન્માનિત કરવામાં આવ્યું હતું. સાંસ્કૃતિક અસ્કયામતોનું રક્ષણ અને જાળવણી કરીને હૈદરાબાદના બિલ્ટ હેરિટેજના સંરક્ષણમાં તેમના પુષ્કળ યોગદાનની પ્રશંસાના માનમાં સન્માનપત્ર એનાયત કરવામાં આવ્યું હતું. હોમી ડી. ચિનોય, માન. સેક્રેટરી-ટ્રસ્ટી, પીઝેડએએસએચ(પારસી ઝોરાસ્ટ્રિયન અંજુમન ઓફ સિકંદરાબાદ એન્ડ હૈદરાબાદ), એ અંજુમન વતી વર્લ્ડ હેરિટેજ ડે – 18મી એપ્રિલ, 2024 ના રોજ યોજાયેલા કાર્યક્રમમાં એવોર્ડ મેળવ્યો હતો.
જેમ કે વિશ્વ આપણા સાંસ્કૃતિક વારસાની સમૃદ્ધિની ઉજવણી કરવા માટે એકસાથે આવે છે, આ માન્યતા વિશેષ મહત્વ ધરાવે છે. તે આપણા સામૂહિક ઈતિહાસ અને પરંપરાના રખેવાળ તરીકે અંજુમન અગિયારીના મહત્વને વધારે છે, જે આપણી સહિયારી ઓળખના સારના પ્રતિકો છે. આ પ્રતિષ્ઠિત પુરસ્કારથી આપણને સન્માનિત કરવા બદલ આપણે આઈએનટીએસીએચનો ઊંડો આભાર માનીએ છીએ એમ પીઝેડએએસએચના પ્રમુખ ખોરશેદ એસ. ચિનોઈએ શેર કર્યું.
ખાન બહાદુર એદલજી સોહરાબજી ચિનોઈ અંજુમન દરેમહેર હૈદરાબાદ અને સિકંદરાબાદના જોડિયા શહેરોમાં હાજર ત્રણ ફાયર ટેમ્પલમાં સૌથી નાનું છે, જે શહેરોમાં રહેતા એક હજારથી વધુ પારસીઓની સેવા કરે છે. અગાઉના હૈદરાબાદ રાજ્યના ખાન બહાદુર શેઠ એદલજી સોહરાબજી ચિનોઈના પુત્ર શેઠ જમશેદજી એદલજી ચિનોઈ અને બાઈ પીરોજબાઈ એદલજી ચિનોઈ દ્વારા તેમના ભાઈઓ સાથે, તેમના મરહુમ પિતાની યાદમાં, ઓસ્માન અલી ખાનના શાસન દરમિયાન બનાવવામાં આવ્યું હતું – જે છેલ્લા અને સાતમા નિઝામ હતા. દસ્તુર ખુરશેદ દસ્તુર બહેરામ જામસ્પ આસાએ નિઝામ મીર ઓસ્માન અલી ખાન અને રાજા જ્યોર્જ પંચમના શાસન દરમિયાન દરેમહેરને પવિત્ર કર્યું હતું. ચિનોઈ પરિવાર 200 વર્ષ પહેલાં હૈદરાબાદ આવ્યો હતો.