વિશ્ર્વના સૌથી મોટા રસી ઉત્પાદક – સીરમ ઇન્સ્ટિટયુટ ઓફ ઈન્ડિયા (એસઆઈઆઈ) ના સીઇઓ આદર પુનાવાલાને તાજેતરમાં સિંગાપોરના અગ્રણી દૈનિક ધ સ્ટ્રેટસ ટાઇમ્સ દ્વારા એશિયન ઓફ ધ યર તરીકે ઓળખવામાં આવતા છ લોકોમાંના એક તરીકે નામ આપવામાં આવ્યું.
આ પ્રતિષ્ઠિત માન્યતાના અન્ય પાંચ પ્રાપ્તકર્તાઓમાં ડો. રીઉચી મોરીશીતા (જાપાન), પ્રોફેસર ઉઇ એન્ગ ઇઓંગ (સિંગાપોર); ફાર્માકોના સ્થાપક અને ડિસ્ટ્રિબ્યુટર – સીઓ જંગ-જિન (દક્ષિણ કોરિયા); રોગચાળાના નિષ્ણાત ચેન વી અને પ્રોફેસર ઝાંગ યોંગઝેન (ચાઇના) નો સમાવેશ થાય છે. ધ સ્ટ્રેટ્સ ટાઇમ્સના જણાવ્યા અનુસાર, આ છ લોકોએ આ યુગના સૌથી મોટા સંકટમાંથી બહાર નીકળવાનો માર્ગ શોધવા માટે અવિરત 2020સાલને ખર્ચ કર્યું છે. દૈનિકમાં કહેવામાં આવ્યું છે કે સામુહિકરૂપે ‘વાયરસ બસ્ટર્સ’ તરીકે ઓળખવામાં આવે છે, માનવતાના આ છ ચેમ્પિયન નાયક છે, તેઓએ પ્રત્યેક પોતાની ક્ષમતામાં, કોરોનાવાયરસ રોગચાળાને હલ કરવા માટે સમર્પિત કર્યું છે, એમ દૈનિક કહે છે.
વાયરસ બસ્ટર્સને સન્માન આપવાના નિર્ણયમાં, સ્ટ્રેટ્સ ટાઇમ્સના સંપાદકોએ એવા લોકોને ધ્યાનમાં રાખ્યા હતા, જેમણે, એક અથવા બીજા રીતે, વિશ્વના ઘણા લોકોને ઓછા સમયમાં જીવલેણ રોગ થતો અટકાવવા માટેની એક જટિલ, મલ્ટી-સ્ટેજ પ્રક્રિયાને સક્ષમ કરી હતી.
39વર્ષીય આદર પૂનાવાલાએ જણાવ્યું હતું કે એસઆઈઆઈની કોવિડ-19 રસી ઓછી અને મધ્યમ આવક
ધરાવતા દેશોને પહોંચાડવામાં મદદ કરશે, જેઓ તેમને મેળવવાની ખોજમાં નોંધપાત્ર ગેરલાભનો સામનો કરે છે. એસઆઈઆઈ ગરીબ દેશોને રસીઓની પહોંચાડવામાં મદદ કરશે.
પૂણે સ્થિત (એસઆઈઆઈ) એ ઓકસફર્ડ યુનિવર્સિટી અને બ્રિટીશ-સ્વીડિશ ફાર્માસ્યુટિકલ કંપની એસ્ટ્રાઝેનેકા સાથે મળીને કોવિડ-19 રસી, કોવિડશિલ્ડ બનાવવા માટે સહયોગ કર્યો છે અને ભારતમાં ટ્રાયલ
ચલાવી રહ્યું છે. એસઆઈઆઈની સ્થાપના આદર પુનાવાલાના પિતા ડો. સાયરસ પુનાવાલાએ 1966માં કરી હતી. આદર પુનાવાલા 2001માં એસઆઈઆઈમાં જોડાયા અને વર્ષ 2011માં કંપનીના રોજિંદા કાર્યોના સંપૂર્ણ નિયંત્રણ સાથે સીરમ સંસ્થાના સીઈઓ બન્યા.