ઘણા સમુદાયના સભ્યો કદાચ જાણતા નહીં હોય કે શ્રીનગરના બદામી બાગ ખાતે આવેલ પારસી ઝોરાસ્ટ્રિયન આરામગાહ એ એક હેરિટેજ સાઇટ છે જે કાશ્મીરના ઇતિહાસનો એક ભાગ છે. ઉપલબ્ધ રેકોર્ડ્સ મુજબ, 1893માં, કાશ્મીરના મહારાજા પ્રતાપ સિંહે, પારસી ઝોરાસ્ટ્રિયન સમુદાયને, રાજ્યને તેમની સેવાઓની માન્યતા આપવા માટે, ગ્રાન્ટ દ્વારા, જમીનનો એક ટુકડો ભેટમાં આપ્યો હતો, જેનો હેતુ સ્પષ્ટપણે આરામગાહ તરીકે ઉપયોગમાં લેવાનો હતો.
રાજ્યના લશ્કરી સત્તાવાળાઓએ બદામી બાગ કેન્ટોનમેન્ટ બજારની સ્થાપના માટે જમીનનો મોટો હિસ્સો હસ્તગત કર્યા પછી, આરામગાહ આજે આશરે 1.530 એકર વિસ્તાર ધરાવે છે, જેમાં બે ઓરડાઓ અને એક વરંડા સાથેનો બંગલીનો સમાવેશ થાય છે; કબ્રસ્તાન; માળી/ ચોકીદાર માટે હોટહાઉસ-કમ-ગાર્ડન શેડ અને રહેવાની જગ્યા. આજુબાજુના વિસ્તારમાં બદામ અને અખરોટના ઝાડના બાગ છે. બંગલીનો ઉપયોગ મૃતકોની પ્રાર્થના અને શ્રધ્ધાંજલિ આપવા કરવામાં આવે છે ત્યારબાદ કબ્રસ્તાનમાં દફનાવવામાં આવે છે.
વર્ષોથી શ્રીનગરમાં પારસી પરિવારની ગેરહાજરી સાથે, 1986માં અંતિમ સંસ્કાર અને દફનવિધિ સાથે, બિનઉપયોગી આરામગાહ ઇતિહાસમાં એક ઐતિહાસિક સ્મારક બની રહે છે.
રાજકોટ સ્થિત ખુશમન તંબોલી, જેમણે તાજેતરમાં શ્રીનગરની મુલાકાત લીધી હતી, તે આપણા સમુદાયના ઇતિહાસના આ ઓછા જાણીતા, રત્ન પર આવ્યા, અને સશસ્ત્ર દળો/ઓથોરિટીઓ સાથે મુલાકાત કરી જેમણે વિનંતી કરી છે કે મિલકતની સંભાળ રાખનાર માળી/ચોકીદારને પગાર ચુકવવામાં આવે. ડબ્લયુઝેડઓ ટ્રસ્ટ ફંડસે કોમ્યુનિટી એસ્ટેટની દેખરેખ રાખનાર માળી/ ચોકીદારને વાર્ષિક પગાર ચુકવવા સ્વેચ્છાએ સંમત થયા છે. શ્રીનગરની મુલાકાત દરમિયાન આરામગાહની મુલાકાત લેવા અને તેમનું સન્માન કરવા ઈચ્છતા સમુદાયના સભ્યો રાજેન્દ્ર દ્વાર દ્વારા બટવારા ચોક થઈને બદામી છાવણી પહોંચી શકે છે, જ્યાં તેઓએ ગેટના ઈન્ચાર્જ સાથે પૂછપરછ કરી અને એડમિનિસ્ટ્રેટર કમાન્ડન્ટ અથવા સંબંધિત સત્તાધિકારી પાસેથી મુલાકાત લેવાની પરવાનગી લઈ શકે છે. બદામી કેન્ટોનમેન્ટની ઓફિસ નંબર 0194-2466575 છે.
– ટીમ ડબ્લયુઝેડઓ ટ્રસ્ટ ફંડ