શ્રીજી પાક ઈરાનશાહ આતશબેહરામ, ઉદવાડામાં 20મી એપ્રિલ, 2024 (રોજ આદર, માહ આદર; યઝ 1393) પારસી કેલેન્ડરમાં સૌથી શુભ દિવસ, આપણા ગર્ભગૃહના પવિત્ર આતશની જન્મજયંતિ અને 1304મી સાલગ્રેહની ઉજવણી કરવામાં આવી. ઉદવાડા નવ પરિવાર શહેનશાહી અથોરનાન અંજુમને આતશ બેહરામમાં જશન સાથે શરૂ થયેલા શુભ પ્રસંગની ઉજવણી માટે તમામ જરથોસ્તીઓને આમંત્રણ આપવામાં આવ્યું હતું. આ પ્રસંગે 1,000 થી વધુ ભક્તો આ કાર્યક્રમમાં હાજરી આપી હતી. જેઓ આતશબેહરામની મુલાકાત અને તેમને આદર આપવા માટે આવ્યા હતા.
આ વર્ષે, ઉદવાડા આતશબેહરામમાં નવા એરવદ તેહમટન બરજોર મીરઝાં બીજા ઉચ્ચ ધર્મગુરૂ (વડા દસ્તુરજી)ની હાજરીને ધ્યાનમાં રાખીને આ ઉજવણી વધુ વિશેષ હતી. આ પ્રસંગે બોલવા માટે પ્રખ્યાત ધાર્મિક વિદ્વાનોને આમંત્રિત કરવાની નવી પ્રથા પણ શરૂ કરવામાં આવી હતી.
અત્યંત આદરણીય કાનૂની વિદ્વાન અને ધાર્મિક વિદ્વાન એરવદ રોહિન્ટન ફલી નરીમાન, ભૂતપૂર્વ સુપ્રીમ કોર્ટના જજ આ વર્ષના ફંક્શનના મુખ્ય વક્તાહતા. વડા દસ્તુરજી સાથે મંચ પર સિનિયર એડવોકેટ એરવદ ફિરોઝ બી. અંધ્યારૂજીના દ્વારા પણ હાજરી આપવામાં આવી હતી. સ્થળ પર 1,000થી વધુ ભક્તોનું સ્વાગત કરતાં, વડા દસ્તુરજી ખુરશેદે જણાવ્યું કે પાક ઈરાનશાહના 1304મી સાલગ્રેહના શુભ અવસર પર બધાને મુબારક! દર વર્ષે આપણે જશન અને ગંભારની ઉજવણી કરીએ છીએ અને ઘરે પાછા ફરીએ છીએ, પરંતુ આ વખતે આપણે પણ મન માટે એવો ખોરાક લઈએ જે આપણા જ્ઞાનમાં વધારો કરે. ઈરાનશાહના આશીર્વાદ તમારા અને તમારા પરિવાર પર હંમેશા રહે.
એરવદ રોહિન્ટન નરીમાન અને એરવદ ફિરોઝ અંધ્યારૂજીનાને વડા દસ્તુરજી મીરઝાં અને વડા દસ્તુરજી ખુરશેદ દસ્તુર દ્વારા તેમનો આદર કરતા તેમને શાલ ઓઢાડી સન્માનિત કરવામાં આવ્યા હતા.
એરવદ ફિરોઝ અંધ્યારૂજીનાએ ધાર્મિક પ્રવચનના નવા વિચાર માટે પ્રશંસા શેર કરી અને એરવદ રોહિન્ટન નરીમાનને બોલવા માટે આમંત્રણ આપ્યું. તેમના જ્ઞાનપ્રદ ધાર્મિક ભાષણમાં, એરવદ રોહિન્ટન નરીમાને પારસી ધર્મ વિશે અને ખાસ કરીને હંમેશા સુદરેહ કસ્તી પહેરવાના મહત્વ વિશે ઘણું ધાર્મિક જ્ઞાન શેર કર્યું. તેમણે તેમના ઉત્કૃષ્ટ વક્તૃત્વ કૌશલ્ય તેમજ તેની ધાર્મિક સામગ્રીથી પ્રેક્ષકોનું ધ્યાન ખેંચ્યું હતું. આપણામાં હમેશા વિશ્ર્વાસ રાખજો જે તમને મુશ્કેલીઓથી બચાવે છે. તે આપણાથી દુષ્ટતાને દૂર રાખે છે… ગાથામાં જરથુસ્ત્રના આદેશ પ્રમાણે જીવો ત્યારે તમે ભગવાનના પ્રેમ માટે સારા કાર્યો કરો છો ત્યારે તે આત્માને સંપૂર્ણ બનાવે છે, એમ તેમણે કહ્યું. તેમણે હંમેશા જરથુષ્ટ્રના માર્ગદર્શનને અનુસરવા અને હંમેશા સારા વિચારો, સારા શબ્દો, સારા કાર્યોના સૂત્ર મુજબ જીવવાનું કહ્યું. તેમના જુસ્સાદાર ભાષણ માટે તેમને સ્ટેન્ડિંગ ઓવેશન મળ્યું.
ત્યારબાદ દસ્તુરજી ખુરશેદે બંને આદરણીય વક્તાઓનો આભાર માન્યો, એરવદ તેહમટન મીરઝાંની પ્રશંસા કરી અને યાદગાર પ્રસંગનો ભાગ બનેલા તમામ ભક્તોનો આભાર વ્યક્ત કર્યો. સર દિનશા માણેકજી પેટિટ ચેરિટીઝ દ્વારા ફરી એક સ્વાદિષ્ટ ભોજન પ્રાયોજિત કરવામાં આવ્યું હતું, જેમ કે વર્ષોવર્ષ થતું આવ્યું છે.