15મી નવેમ્બર, 2023 ના રોજ, સંજાણ ડેની ઉજવણીની શરૂઆત ઉદવાડાના ધર્મગુરૂઓ દ્વારા કરવામાં આવેલ જશન સાથે થઈ હતી, જેની આગેવાની વડા દસ્તુરજી ખુરશેદ દસ્તુરે લીધી હતી. ધર્મના પ્રતીક સમાન સ્તંભની સ્થાપનાના ભવ્ય 103 વર્ષની ઉજવણીમાં, 950 જરથોસ્તીઓ હાજરી આપવા આવ્યા હતા. બે મહત્વપૂર્ણ જાહેરાતો આ વર્ષે પરીચેર દવિએરવાલા દ્વારા કરવામાં આવી હતી કે ભારત સરકારની અમૃત ભારત સ્ટેશન યોજનાએ રૂ. 18 કરોડના બજેટમાં સંજાણ રેલ્વે સ્ટેશનનું આધુનિકીકરણ હાથ ધર્યું હતું અને તેઓ સંજાણ સ્મારક સ્તંભ મેદાનની આસપાસની મિલકતનો વિકાસ કરશે અને પછી સંજાણ મેમોરિયલ કોલમ કમિટીને જાળવણી માટે સોંપવામાં આવશે.
જશન પછી હોમી દુધવાલા – સુરત પારસી પંચાયતના પ્રમુખ અને ફિરોઝ અંધ્યારૂજીના – સિનિયર એડવોકેટ, મુંબઈ હાઈકોર્ટ દ્વારા પ્રેરણાદાયી ભાષણો આપવામાં આવ્યા હતા. હોમી દુધવાલાએ ઉદવાડામાં ઓછી થતી પારસી વસ્તીને કારણે ભાવિ પાક ઈરાન શાહની અનિશ્ર્ચિતતા વિશે વાત કરી. તેમણે પારસી ઉદ્યોગપતિઓ અને પરોપકારીઓને વિનંતી કરી કે તેઓ આ વલણને ઉલટાવી લેવા માટે થોડી પહેલ કરે. તેમણે પારસી વિદ્યાર્થીઓ માટે બેઠકો અનામત રાખવાની ભારપૂર્વક હિમાયત કરી હતી. ફિરોઝ અંધ્યારૂજીનાએ પારસીઓના અસ્તિત્વ માટે પાક ઈરાન શાહના મહત્વ વિશે ઉગ્રતાથી વાત કરી. તેમણે ભાર મૂક્યો કે કેવી રીતે ધર્મ બીજા બધાથી ઉપર છે અને તેનું રક્ષણ થવું જોઈએ. તેમણે પ્રાર્થનાથી મળતી શક્તિઓની પણ વાત કરી. બપોરના ભોજન બાદ પરીચેર દવિએરવાલાએ આભાર વ્યકત કર્યો હતો. પ્રથમ સંજાણ ડે 1981માં ઉજવવામાં આવ્યો હતો અને તે સમયે 3,000થી વધુ હમદીનોએ હાજરી આપી હતી.