22મી માર્ચ, 2023 (રોજ આદર, માહ આવાં) એ વડોદરાના ફતેહગંજ ખાતે સ્થિત ઉમરીગર આદરિયાનની 19મી શુભ સાલગ્રેહની ઉજવણી કરવામાં આવી. પારસી પંચાયત ચેરીટેબલ ફંડ વડોદરા દ્વારા આયોજિત ઉજવણી સમારોહમાં ઈરાનશાહ ઉદવાડાના વડા દસ્તુરજી – ખુરશેદજી કેકોબાદ દસ્તુર મુખ્ય મહેમાન તરીકે ઉપસ્થિત રહ્યા હતા અને સમુદાયના ઘણા સભ્યોએ હાજરી આપી હતી. આદરિયાન ખાતે સાંજે માચી અર્પણ કરવામાં આવી હતી, ત્યારબાદ વડા દસ્તુરજી ખુરશેદજી અને ઉમરીગર આદરિયાનના અન્ય મોબેદો દ્વારા જશન કરવામાં
આવ્યું હતું.
પ્રમુખ ફિરોઝ પટેલ, પંચાયતના ટ્રસ્ટીઓ અને અંજુમને સમુદાયના બે અગ્રણી ભૂતપૂર્વ પ્રમુખ – શાવકશા ફકીરજી પટેલ અને પ્રો. ડો. રૂમી જહાંગીર મિસ્ત્રી, જેઓ પંચાયત પ્રત્યેના તેમના લાંબા સમયના સમર્પણ, પરિશ્રમ અને સેવા માટે જાણીતા હતા. આદરિયાન હોલમાં તેમના પોટ્રેટના અનાવરણ દ્વારા તેઓનું સન્માન કરવામાં આવ્યું હતું.
શાવકશા પટેલ, જેમનો પરિવાર પેઢીઓથી સમુદાયની સેવા કરી રહ્યો છે, તેઓ ચાર દાયકાના વધુ સમયથી પંચાયતની પ્રવૃત્તિઓ સાથે સક્રિય રીતે સંકળાયેલા હતા અને ચાર ટર્મ માટે પ્રમુખ તરીકે સેવા આપવાનું ગૌરવ ધરાવતા હતા. પ્રો. ડો. રૂમી મિસ્ત્રી અસાધારણ શૈક્ષણિક લાયકાત ધરાવતા બરોડા યુનિવર્સિટીના વરિષ્ઠ સભ્ય હતા. તેમણે તેમનું જીવન શિક્ષણ અને યુવાનોને કારકિર્દીની પસંદગીમાં મદદ કરવા માટે સમર્પિત કર્યું હતું. તેઓ સ્પોટર્સમેન, ડ્રામેટિસ્ટ અને સ્થાનિક અને કેન્દ્ર સરકારના સ્તરે વિવિધ સલાહકાર સમિતિના સભ્ય હતા.
વડા દસ્તુરજી ખુરશેદનું પંચાયતના પ્રમુખ દ્વારા સન્માન કરવામાં આવ્યું હતું. છૈયે હમે જરથોસ્તી અને રાષ્ટ્રગીતના પ્રસ્તુતિ સાથે ફંક્શનનો અંત આવ્યો, અને બધાએ રાત્રિ ભોજન ગંભારનો આનંદ માણ્યો.